Myunxengladbaxning "Borussiya" klubi markaziy himoyachisi Matias Ginter Ispaniyada yoki Angliyada faoliyatini davom ettirishi mumkin.
Jurnalist Nikola Skiraning so‘zlariga ko‘ra, hozirda Evro-2020da Germaniya terma jamoasida o‘ynayotgan 27 yoshli futbolchining xizmatlari «Barselona» va «Tottenxem»ga taklif qilingan.
Ginterni tekin yo‘qotmaslik uchun nemis klubi uni sotishga tayyor.
Tomonlar shartnomani uzaytirish to‘g‘risida kelisha olmadilar.
O‘tgan mavsumda Ginter 46 uchrashuvda 2 ta gol urdi va 1 ta golli uzatmani amalga oshirdi. Uning transfer qiymati 30 million evroni tashkil etadi.
