43 yoshli darvozabon Janluidji Buffonning agenti Silvano Martin nima uchun futbolchi professional faoliyatini boshlagan «Parma»ga o‘tishga qaror qilganini tushuntirdi.
«Bu fikr uning o‘ziga maqbul tushgan. Bungacha ham ko‘p takliflar bor edi, ammo faqatgina «Parma» unga mukammal yechimdek tuyuldi. Uning tanlovi meni hayratga solmaydi.
Janluidji «Parma» haqida juda yaxshi xotiralarga ega va u eng yaxshi paytlarini u yerda o‘tkazgan bo‘lsa ajab emas. Men kelajakni bashorat qila olmayman, lekin umid qilamanki u vaqtincha B Seriyada bo‘lib turibdi.
Muxlislar undan yuqori divizionga qaytishini istashmoqda», - deya Martinning so‘zlarini keltirgan Football Italia.
