Polsha terma jamoasi Ispaniya bilan durang o‘ynab, pley-offga o‘tish imkoniyatini saqlab qoldi. Robert Levandovski o‘yinda nihoyat gol urdi. To‘purar Ispaniya bilan o‘yin haqida gapirdi.
«Biz yaxshi o‘ynadik. Himoyada ham, hujumda ham bir nechta xatolarga yo‘l qo‘ydik, ammo umuman Slovakiya bilan o‘yindan ko‘ra ancha yaxshi vaziyatlarga ega bo‘ldik. O‘ylashimcha, birinchi o‘yinda taktika xato tanlangan edi. Biz chiroyli futbol namoyish etib, ko‘p hujum qilishni xohladik.
Natijada o‘yinning boshqa jihatlarini unutdik. Ispaniya bilan o‘yinda asosan himoyalanishimiz kerakligini bilardik va buni yaxshi uddaladik. Bizning rejamiz ish berdi», - deyi Robert.
Polsha so‘nggi turda Shvesiyani mag‘lub etishi kerak. Durang, albatta, polyaklarni qoniqtirmaydi.
