"Liverpul" rasmiylari misrlik hujumchi Muhammad Salohning futbol bo‘yicha Olimpiada musobaqasida ishtirok etishiga qarshi, deya xabar beradi Goal.com.
Manba xabariga ko‘ra, Angliya klubi hujumchining sog‘lig‘idan qo‘rqadi, chunki Misr Ispaniya, Argentina va Avstraliya bilan qiyin guruhga tushib qoldi. Tez orada Misr futbol federasiyasi prezidenti Ahmed Mejohid "Liverpul" bilan muzokara o‘tkazadi.
O‘tgan mavsumda 29 yoshli Saloh "Liverpul" tarkibida barcha musobaqalarda 51 ta o‘yin o‘tkazib, 31 ta gol urdi va 6 ta golli pas berdi. Uning klub bilan shartnomasi 2023-yilning yozigacha amal qiladi.
