"Ливерпуль" расмийлари мисрлик ҳужумчи Муҳаммад Салоҳнинг футбол бўйича Олимпиада мусобақасида иштирок этишига қарши, дея хабар беради Goal.com.
Манба хабарига кўра, Англия клуби ҳужумчининг соғлиғидан қўрқади, чунки Миср Испания, Аргентина ва Австралия билан қийин гуруҳга тушиб қолди. Тез орада Миср футбол федерацияси президенти Аҳмед Межоҳид "Ливерпуль" билан музокара ўтказади.
Ўтган мавсумда 29 ёшли Салоҳ "Ливерпуль" таркибида барча мусобақаларда 51 та ўйин ўтказиб, 31 та гол урди ва 6 та голли пас берди. Унинг клуб билан шартномаси 2023-йилнинг ёзигача амал қилади.
