Yevropa chempionatining ikkinchi yarim final uchrashuvi yakunlandi. Final yo‘llanmasi uchun Angliya va Daniya terma jamoalari kurash olib bordi. Uchrashuvning asosiy daqiqalari 1:1 hisobidagi durang natija bilan yakunlandi va g‘olib nomini aniqlash uchun ekstra taymlarga murojaat qilindi. Qo‘shimcha daqiqalarning 104 daqiqasida Angliya penalti tepish imkoniyatiga ega. Mazkur jarima zarbani inglizlar hujumchisi Harri Keyn amalga oshirdi, ammo futbolchining zarbasini daniyaliklar kiperi Kasper Shmeyxel to‘sib qoldi. Lekin, qaytgan to‘pga Keynning o‘zi yana zarba berdi va gol urdi. Mazkur gol Angliyaga final chiptasini qo‘lga kiritish uchun yetarli bo‘ldi.

Angliya – Daniya 2:1

«Uembli»

Gollar: 0:1 – 30 Damsgor, 1:1 – 39, avtogol Kyer, 2:1 – 104 Keyn.

Angliya – Pikford, Stounz, Uoker, Shou, Maguayr, Saka (Grilish, 69; Trippyer, 105), Rays (Xenderson, 95), Maunt (Foden, 95), Fillips, Sterling, Keyn.

Daniya – Shmeyxel, Larsen (Vass, 67), Vestergor (Vind, 105), Kyer, Mele, Xeybyerg, Dileyni (Yensen, 88), Damsgor (Poulsen, 67), Kristensen (Andersen, 79), Breytueyt, Dolberg (Nergor, 67).

Ogohlantirishlar: Maguayr (49), Vass (72).