Myunxenning «Bavariya» klubi «Fiorentina» forvardi Federiko Kyezani tarkibiga qo‘shib olmoqchi.
Oldinroq «Bavariya» bosh murabbiyi Yulian Nagelsmann o‘z intervyusida uni tarkibda ko‘rishdan xursand bo‘lishini aytgandi.
«Fiorentina»ga bu taklif yoqishi mumkin, ammo klub futbolchisini «Yuventus»ga sotib olish sharti bilan ijaraga berib yuborgandi. Shu boisdan Myunxen klubi ayni damda vaziyatga aralashmaslikni ma’qul topgan.
Agarda «Yuve» 22 yoshli futbolchini sotib oladigan bo‘lsa, «Bavariya» o‘z maqsadidan voz kechadi. Aks holda klub «Fiorentina» bilan muzokaralarni boshlab yuboradi.
