«Inter» vingeri Ivan Perishich klub bilan shartnomasini bekor qilish arafasida bo‘lib turibdi. Bu haqda Italiya ommaviy axborot vositalari xabar bermoqda. Rahbariyat kelasi mavsum uchun Ivanning potensialiga ishonmayapti.

«Neradzurrilar» bilan tajribali futbolchining amaldagi bitimi 2022 yil o‘rtalariga qadar mo‘ljallangan. Ayni paytda «Inter»ga Perishich transferi bo‘yicha takliflar kelib tushmadi.

So‘nggi mavsumda Ivan A Seriyada 32 ta o‘yin o‘tkazdi. «Qora-ko‘klar»ning xorvatiyalik legioneri bu oraliqda 4 ta gol va 4 ta golli pasni amalga oshirdi. Shuningdek, «Inter» tarkibida Perishich Italiya chempioniga aylandi.