«Интер» вингери Иван Перишич клуб билан шартномасини бекор қилиш арафасида бўлиб турибди. Бу ҳақда Италия оммавий ахборот воситалари хабар бермоқда. Раҳбарият келаси мавсум учун Иваннинг потенциалига ишонмаяпти.
«Нерадзуррилар» билан тажрибали футболчининг амалдаги битими 2022 йил ўрталарига қадар мўлжалланган. Айни пайтда «Интер»га Перишич трансфери бўйича таклифлар келиб тушмади.
Сўнгги мавсумда Иван А Серияда 32 та ўйин ўтказди. «Қора-кўклар»нинг хорватиялик легионери бу оралиқда 4 та гол ва 4 та голли пасни амалга оширди. Шунингдек, «Интер» таркибида Перишич Италия чемпионига айланди.
