«Barselona» hujumchisi Antuan Grizmann boshqa jamoaga o‘tish uchun maoshi kamayishiga rozi bo‘lmayapti.
ESPN xabariga ko‘ra, fransiyalik futbolchi boshqa klubga o‘tgan taqdirda ham Kataloniyadagi yillik maoshi – 35 million miqdorida maosh olmoqchi. Shu sababli Antuan boshqa klubga o‘tsa ham «Barsa» uning maoshi bir qismini to‘lashda davom etishi mumkin.
Qayd etilishicha, Kataloniya klubi Grizmann masalasida «Atletiko» bilan muzokarani to‘xtatib turgach, Antuanni Angliyaning bir qator klublariga taklif qilgan. Ammo 30 yoshli forvard APLga o‘tishdan ko‘ra, sobiq jamoasiga qaytishni afzal bilmoqda.
Ma’lumot uchun, Grizmann La Liga yakunlangan mavsumida 36 o‘yinda 13ta gol va 7ta golli uzatmaga mualliflik qilgan.
