«MYU» 31 iyul kuni o‘tkazilishi kerak bo‘lgan «Preston»ga qarshi mavsumoldi o‘rtoqlik o‘yinini bekor qildi. Bunga payshanba kuni o‘tkazilgan odatiy testlarda jamoa o‘yinchilarining bir nechtasida koronavirus aniqlangani sabab bo‘lgan. Klub bu haqda rasmiy bayonot bilan chiqqan va unda shunday deyiladi:
« Biz koronavirus protokollariga muvofiq shanba kungi «Preston» bilan kechadigan bahsni bekor qilishga majbur bo‘ldik. Bu uchun prestonliklardan uzr so‘raymiz. O‘yin uchun chipta sotib olgan barcha «Manchester Yunayted» muxlislarining pullari qaytarib berilishi ta’minlanadi».
Eslatib o‘tamiz, shu paytgacha «qizil iblislar» ikkita o‘rtoqlik uchrashuvida bitta mag‘lubiyat («QPR» 4-2) hamda bitta durang («Brentford» 2-2) qayd etgan.
