«МЮ» 31 июль куни ўтказилиши керак бўлган «Престон»га қарши мавсумолди ўртоқлик ўйинини бекор қилди. Бунга пайшанба куни ўтказилган одатий тестларда жамоа ўйинчиларининг бир нечтасида коронавирус аниқлангани сабаб бўлган. Клуб бу ҳақда расмий баёнот билан чиққан ва унда шундай дейилади:

« Биз коронавирус протоколларига мувофиқ шанба кунги «Престон» билан кечадиган баҳсни бекор қилишга мажбур бўлдик. Бу учун престонликлардан узр сўраймиз. Ўйин учун чипта сотиб олган барча «Манчестер Юнайтед» мухлисларининг пуллари қайтариб берилиши таъминланади».

Эслатиб ўтамиз, шу пайтгача «қизил иблислар» иккита ўртоқлик учрашувида битта мағлубият («ҚПР» 4-2) ҳамда битта дуранг («Брентфорд» 2-2) қайд этган.