Madrid sudi UYEFA tomonidan kiritilgan apellyasiyani rad etgan. Tashkilot Superliga muassislariga qarshi sanksiyalar kiritishni istagan edi. Sud buning imkonsiz ekaniga qaror bergan. Mazkur qarordan so‘ng jamoalar qo‘shma bayonot bilan chiqdi. Unda jumladan quyidagi so‘zlar aytiladi:

— “Real”, “Barselona” va “Yuventus” Madrid sudi qarorini qoniqish bilan qabul qiladi. Endilikda UYEFA jamoalarimizga nisbatan cheklovlarni kiritolmaydi va qolgan to‘qqiz muassis klublarni ham jarimaga tortolmaydi...

— Futbol qarshisida turgan jiddiy muammolarga yechim topish bizning burchimiz. UYEFA o‘zini qonun chiqaruvchi va Yevropada musobaqalar o‘tkazishga haqli yagona tashkilot deb bilmoqda. Mazkur monopolistik qarash va qabul qilib bo‘lmas pozisiya futboldagi muvozanatni buzib, unga zarar keltiradi...

— Superliganing muvaffaqiyatiga ishonamiz. Takliflarimizdan bir qanchasini qayta ko‘rib chiqish mumkinligini tushunib turibmiz va ularni muloqot va murosa yo‘li bilan amalga oshirish lozim deb bilamiz...

Bayonotning to‘liq matni uch klub saytida ham e’lon qilingan.