«Lids» klubi Daniya terma jamoasi vingeri Mikel Damsgardni qo‘lga kiritish uchun harakat boshlagan. «teamTALK» bergan xabarda G‘arbiy Yorkshir grafligi klubi 21 yoshli futbolchi uchun «Aston Villa» hamda «Tottenxem» bilan birga da’vogar sifatida ko‘rsatilgan.
Dastlab, «Saampdoria» o‘z futbolchisini 25 million yevroga baholagan bo‘lsa, Yevropa chempionatidan keyin uning narxi 35 milliongacha ko‘tarilgan. Xabarda «Aston Villa» ushbu miqdorni to‘lashga qodirligi, chunki Jek Grilish o‘rniga o‘rinbosar kerakligi aytilgan.
Damsgard o‘tgan mavsumda jamoasi safida 2 ta gol va 4 ta golli uzatma muallifiga aylangan.
