«Лидс» клуби Дания терма жамоаси вингери Микел Дамсгардни қўлга киритиш учун ҳаракат бошлаган. «teamTALK» берган хабарда Ғарбий Ёркшир графлиги клуби 21 ёшли футболчи учун «Астон Вилла» ҳамда «Тоттенхем» билан бирга даъвогар сифатида кўрсатилган.
Дастлаб, «Саампдориа» ўз футболчисини 25 миллион еврога баҳолаган бўлса, Европа чемпионатидан кейин унинг нархи 35 миллионгача кўтарилган. Хабарда «Астон Вилла» ушбу миқдорни тўлашга қодирлиги, чунки Жек Грилиш ўрнига ўринбосар кераклиги айтилган.
Дамсгард ўтган мавсумда жамоаси сафида 2 та гол ва 4 та голли узатма муаллифига айланган.