«Yuventus» sobiq darvozaboni Jiji Buffon o‘z tanlovi haqida gapirdi.
Eslatib o‘tamiz, u o‘tgan mavsum oxirida Turin klubini erkin agent sifatida tark etib, qolgan faoliyatini «Parma» da davom ettirishga qaror qilgan edi.
«Faoliyatimda ikkinchi marta B Seriyaga qaytmoqdaman. Men dunyodagi eng yaxshi darvozabon bo‘lganimda taxminan 28 yoshda edim.
Nega buni 43 yoshda qila olmaysiz? 2006 yilda «Yuventus»ni tanladim, hozir esa «Parma»ni tanlayapman.
Men havaskorlar ligasida ham o‘ynashim mumkin edi, biroq mening qadriyatlarim o‘zgarmasdi. Ularga sodiqman», - deya iqtibos keltiradi Football Italia sayti Buffonning so‘zlaridan.
Eslatib o‘tamiz, Buffon oxirgi marta 2006/2007 yilgi mavsumda Italiyaning ikkinchi divizionida o‘ynagandi, o‘shanda «Yuventus» bilan u chempion bo‘lgan.
