Londonning «Vest Xem» klubi Nikola Milenkovich bilan shartnoma imzolash niyatida. «Bolg‘achilar» allaqachon «Fiorentina» himoyachisi uchun rasmiy taklif bilan murojaat qilishgan.

Londonliklar Nikola uchun 18 million yevro to‘laydigan bo‘lishdi. Bu haqda Nikolo Skira xabar bermoqda.

«Vest Xem» Nikolaga bonuslarni hisobga olmaganda, har mavsum uchun 2,5 million yevro maosh bilan to‘rt yillik shartnoma taklif qiladi.

Ma’lumot uchun, o‘gan mavsumda Milenkovich barcha musobaqalar doirasida 37 uchrashuvda qatnashdi va 3 gol urib, 1 ta golli uzatmani amalga oshirdi.