"Barselona" yana to‘rt nafar futbolchisini yangi mavsum uchun ro‘yxatdan o‘tkaza olmasligi mumkin.
Bular Memfis Depay, Emerson, Erik Garsiya va Serxio Aguero. Bu haqda "Gol" nashri jurnalisti Ramon Alvares xabar bermoqda.
Manbaning ma’lum qilishicha, kataloniyaliklar o‘z navbatida 128 million yevro va 144 million yevroni kapital daromad va ish haqi tejalishi ko‘rinishida olishlari kerak.
Agar, "ko‘k-anorranglilar" futbolchilari maoshini sezilarli darajada pasaytira olmasa, bu to‘rt futbolchi yangi mavsumda klubda ro‘yxatdan o‘ta olmaydi.
Ta’kidlash joizki, yuqorida nomi tilga olingan muxbir Messining "Barsa" bilan shartnomasini uzaytira olmasligini, "Marca" nashridan ham avval e’lon qilgan edi.
