"Барселона" яна тўрт нафар футболчисини янги мавсум учун рўйхатдан ўтказа олмаслиги мумкин.
Булар Мемфис Депай, Эмерсон, Эрик Гарсия ва Серхио Агуэро. Бу ҳақда "Gol" нашри журналисти Рамон Алварес хабар бермоқда.
Манбанинг маълум қилишича, каталонияликлар ўз навбатида 128 миллион евро ва 144 миллион еврони капитал даромад ва иш ҳақи тежалиши кўринишида олишлари керак.
Агар, "кўк-анорранглилар" футболчилари маошини сезиларли даражада пасайтира олмаса, бу тўрт футболчи янги мавсумда клубда рўйхатдан ўта олмайди.
Таъкидлаш жоизки, юқорида номи тилга олинган мухбир Мессининг "Барса" билан шартномасини узайтира олмаслигини, "Marca" нашридан ҳам аввал эълон қилган эди.
