Аргентина терма жамоаси сардори Лионель Месси ЖЧ–2026 ярим финалида Англияга қарши баҳсда жаҳон чемпионатлари тарихида яна бир рекордни ўрнатди.
39 ёшли аргентиналик учун бўлажак учрашув мундиаллардаги 33-ўйини бўлди. Шу тариқа Месси жаҳон чемпионатлари тарихида энг кўп ўйин ўтказган футболчи сифатидаги етакчилигини янада мустаҳкамлайди.
Бу кўрсаткич бўйича у португалиялик Криштиану Роналду (27 та ўйин) ва германиялик афсона Лотар Маттеусни (25 та ўйин) ортда қолдирган.
Бундан ташқари, Месси жаҳон чемпионатлари тарихидаги энг яхши тўпурар ҳам ҳисобланади. Унинг ҳисобида 21 та гол мавжуд. Шунингдек, аргентиналик юлдуз 10 та голли узатма билан ушбу мусобақа тарихидаги энг яхши ассистент ҳам саналади.
ЖЧ–2026 ярим финалида Англия ва Аргентина Атланта шаҳрида ўзаро баҳс олиб бормоқда. Учрашув ғолиби финалда Францияни 2:0 ҳисобида мағлуб этган Испания терма жамоасига қарши майдонга тушади.
