"Milan" "Chelsi" yarim himoyachisi Tyemue Bakayokoni qidirmoqda, deb yozdi jurnalist
Fabrisio Romano tvitterdagi sahifasida. Tomonlar o‘rtasidagi muzokaralar faol bosqichda.
Avvalroq, 26 yoshli fransuz futbolchisi London jamoasi bosh murabbiyi Tomas Tuxelning rejalariga kiritilmaganligi ma’lum bo‘ldi. Transfermarkt sayti Bakayokoni 20 million yevroga baholamoqda.
2020/21 yilgi mavsumda Bakayoko "Napoli"da ijarada o‘ynagan. U 44 ta o‘yinda 2 ta gol va 2 ta golli uzatmani amalga oshirgan.
Eslatib o‘tamiz, Bakayoko "Milan"da 2018/19 yilgi mavsumda ijara asosida o‘ynagan.
