«MYU» klubi futbolchisi Pol Pogba «Sautgempton»ga qarshi o‘yindan so‘ng, APL tarixiga kirdi. U kecha Meyson Grinvudning hisobni tenglashtiruvchi goliga assistentlik qilgan edi.
Futbolchi bu orqali yangi mavsumda o‘z uzatmalari sonini 5 taga yetkazdi. U bu natijasi bilan APL tarixida 2 ta uchrashuvda 5 ta assist ijro etgan ilk futbolchiga aylandi.
Pol o‘tgan hafta «Lids»ga qarshi bahsda 4 ta golli uzatma ijro etgan edi. Shuningdek, fransiyalik bitta o‘yinda 4 ta va undan ko‘p assistentlik qilgan APL tarixidagi yettinchi futbolchi sifatida tarixda qoldi.
