«МЮ» клуби футболчиси Пол Погба «Саутгемптон»га қарши ўйиндан сўнг, АПЛ тарихига кирди. У кеча Мейсон Гринвуднинг ҳисобни тенглаштирувчи голига ассистентлик қилган эди.

Футболчи бу орқали янги мавсумда ўз узатмалари сонини 5 тага етказди. У бу натижаси билан АПЛ тарихида 2 та учрашувда 5 та ассист ижро этган илк футболчига айланди.

Пол ўтган ҳафта «Лидс»га қарши баҳсда 4 та голли узатма ижро этган эди. Шунингдек, франциялик битта ўйинда 4 та ва ундан кўп ассистентлик қилган АПЛ тарихидаги еттинчи футболчи сифатида тарихда қолди.