«Manchester Yunayted» bosh murabbiyi Ole-Gunnar Sulsher Krishtianu Ronalduning transferi haqidagi taassurotlari bilan o‘rtoqlashdi.
"Krishtianuni ta’riflashga so‘zlar yetarli emas, u nafaqat ajoyib futbolchi, balki ajoyib inson.
Qachonki, odamda yuqori darajada o‘ynash istagi va qobiliyati bo‘lsa, uni to‘xtatib qolish mushkul.
Hech shubha qilmaymanki, u bundan keyin ham barchamizni hayratda qoldiradi va uning tajribasi tarkibdagi yosh futbolchilar uchun juda muhim ahamiyat kasb etadi.
Ronalduning qaytishi klubning o‘ziga xos yondashuvidan dalolat beradi. Uning barcha muvaffaqiyatlari boshlangan uyiga qaytganidan juda xursandman”, deydi Sulsher.
Eslatib o‘tamiz, portugaliyalik 2+1 ko‘rinishi bo‘yicha shartnoma imzoladi.
