Dortmundning "Borussiya" klubi hujumchisi Erling Holand - "Manchester Yunayted", "Chelsi", "Manchester Siti", "Real", "Bavariya" va "Barselona" kabi ko‘plab Yevropa klublarining asosiy maqsadlaridan biri bo‘lib qolmoqda.

Yozgi transferlar oynasida bir nechta klublar norvegiyalik hujumchiga qiziqish bildirishdi, biroq ularga kelishuvning moliyaviy shartlari unchalik xush kelmadi.

Bild nashri jurnalisti Kristian Folk Holandning agenti Mino Rayola qanday shartlarni talab qilganini bilib oldi.
Italiyalik agent faqatgina hujumchining haftalik maoshini 825 ming funtga ko‘tarish emas, balki 34 million funtlik komissiya pulini olishni ham maqsad qilgan. Bularning barchasiga qo‘shimcha ravishda, "Borussiya D" o‘z yetakchisi uchun 120 million funtga yaqin pul olmoqchi edi, bu potensial nomzodlar uchun juda yuqori narx hisoblanadi.

Manbaning ta’kidlashicha, kelasi yozda futbolchining narxi 64 million funtga tushadi. Bu esa norvegiyalikning haridorlari yanada ko‘payishiga olib keladi.
Ma’lum bo‘lishicha, "Manchester Siti" va "Manchester Yunayted" futbolchining asosiy da’vogarlari sanaladi.