«Borussiya Dortmund»ning norvegiyalik to‘purari Erling Xoland «Real»ning asosiy transfer maqsadlaridan biri bo‘lib turibdi.
Sport.es xabariga ko‘ra, ispan klubi pul kompensasiyasidan tashqari o‘z futbolchilaridan birini Xolandga almashtirishga majbur bo‘ladi.
Manbaning xabariga ko‘ra, to‘purarning transferi madridliklarga 75-90 million yevroga tushadi. Shuningdek, kelishuvga «qaymoqranglilar» dan biri - Rodrigo yoki Luka Yovich ham qo‘shiladi.
Ma’lumot uchun, Erling 2020 yil yanvar oyida «asalarilar» safiga kelib qo‘shilgan edi. Uning shartnomasi 2023/2024 yilgi mavsum oxirigacha amal qiladi.
Forvardning transfer qiymati 130 million yevroga baholanmoqda.
