«Боруссия Дортмунд»нинг норвегиялик тўпурари Эрлинг Холанд «Реал»нинг асосий трансфер мақсадларидан бири бўлиб турибди.
Sport.es хабарига кўра, испан клуби пул компенсациясидан ташқари ўз футболчиларидан бирини Холандга алмаштиришга мажбур бўлади.
Манбанинг хабарига кўра, тўпурарнинг трансфери мадридликларга 75-90 миллион еврога тушади. Шунингдек, келишувга «қаймоқранглилар» дан бири - Родриго ёки Лука Йович ҳам қўшилади.
Маълумот учун, Эрлинг 2020 йил январь ойида «асаларилар» сафига келиб қўшилган эди. Унинг шартномаси 2023/2024 йилги мавсум охиригача амал қилади.
Форварднинг трансфер қиймати 130 миллион еврога баҳоланмоқда.
