Chempionlar Ligasi-2021/22 ning guruh bosqich birinchi turidayoq musobaqaning eng markaziy uchrashuvlaridan biri o‘tkaziladi.
«Bavariya» va «Barselona» Chempionlar Ligasi 2021/22 yilgi mavsumdagi ilk o‘yinlarida o‘zaro to‘qnash kelishadi.
Oxirgi marta ushbu jamoalar o‘zaro 2019/20 yilgi YECHL chorak finalida uchrashganda 8:2 hisobi qayd etilgan va Germaniya klubi Lisabonda g‘alaba qozongan edi. Bu natija orqali myunxenliklar o‘z tarixida ilk bor Chempionlar Ligasi bir o‘yinida sakkizta gol kiritgan, kataloniyaliklar esa 1946 yildan beri birinchi marta o‘z darvozasidan 8 to‘p olib chiqqan edi.
«Barselona» va «Bavariya»dan tashqari E guruhida «Benfika» va "Dinamo Kiyev" jamoalari ham bor.
Jamoalarning oxirgi 9 to‘qnashuvi Chempionlar Ligasi doirasida bo‘lgan. Shulardan ikkitasi pley-off bosqichida o‘tkazilgan. Bu 1998/99 yilgi mavsumdan beri ilk bor tomonlarning guruh bosqichida uchrashishi hisoblanadi.
«Barselona» 2014/15 mavsumda yarim finalda umumiy 5:3 hisobida mag‘lub etgandi (uyda 3:0, safarda 2:3). «Bavariya»dan o‘shanda Levandovski va Myuller to‘p kiritishgan.
Bunga qadar, ya’ni 2012/13 yilgi mavsum yarim finalida «Bavariya» ispan klubini umumiy 7:0 hisobida taslim qilgandi. O‘z maydonida o‘tgan bahsda (4:0) Myuller dubl qayd etgan va "Kamp Nou"da bo‘lib o‘tgan uchrashuvda (0:3) ham Tomas o‘z hisobiga bitta gol yozdirib qo‘ygan edi. Pike ham o‘z darvozasini ishg‘ol qilib qo‘ygan o‘yin.
23 mavsum oldin jamoalar Chempionlar Ligasi guruh bosqichida to‘qnash kelishganida «Bavariya» o‘z maydonida 1:0, mehmonda esa 2:1 hisobidagi g‘alabalarni qayd etgan. O‘sha mavsum myunxenliklar finalda MYU klubiga alamli hisobda (2:1, qo‘shimcha daqiqalarda kiritilgan ikki gol) mag‘lub bo‘lishgandi.
Yana bir qiziq jihati shundaki, barcha besh pley-off bahslarida to‘qnash kelgan «Barselona» va «Bavariya» juftligi g‘olibi o‘sha mavsum musobaqa chempioniga aylangan.
«Barselona» o‘tgan mavsum La Ligada «Atletiko» va «Real»dan keyin uchinchi o‘rinni egalladi. Oxirgi marta jamoa 2007/2008 yilgi mavsumda ham top-2 o‘rindan chetda qolgandi.
Taxminiy tarkiblar
Barselona - Ter Shtegen, Roberto, Arauxo, Pike, Alba, Buskets de Yong, Pedri, Koutinyo, Yong, Depay
Bavariya - Noyer, Pavar, Upamekano, Ernandes, Devis, Kimmix, Goreska, Muciala, Myuller, Sane, Levandovski
Yo‘qotishlar
Martin Breytueyt, Serxio Aguero, Ansu Fati, Usmon Dembele jarohat sababli kataloniyaliklarga yordam bera olishmaydi. Serjinyo Dest va Xordi Albada kichik jarohat bor va ularning harakat qilishi so‘roq ostida.
Myunxenliklarning asosiy futbolchilari hisoblangan Kingsli Koman, Korentin Tolisso va Serj Gnabrilar ham jarohati bois mazkur uchrashuvni o‘tkazib yuborishadi. Germaniyalik vingerning maydonga tushishi so‘roq ostida.
Raqamlar
«Bavariya» Chempionlar Ligasi doirasidagi oxirgi 21 uchrashuvdan 19tasida g‘alaba qozongan.
«Bavariya» barcha musobaqalarda «Barselona»ga qarshi oxirgi 6 o‘yinning beshtasida g‘alabaga erishgan.
«Bavariya» barcha musobaqalarda «Barselona»ga qarshi oxirgi 6 o‘yinning beshtasida kamida ikkitadan gol kiritgan.
«Barselona» Germaniya klubiga qarshi oxirgi uchta uchrashuvda kamida ikkitadan gol urishga erishgan.
Bahs rasmiylari
Bosh hakam: Maykl Oliver (Angliya)
Qanot hakamlari: Styuart Burt, Simon Bennet (Angliya)
Zaxira hakami: Darren Ingland (Angliya)
VAR: Styuart Atuell (Angliya)
VAR yordamchisi: Pol Tirni (Angliya)
Eslatib o‘tamiz, «Barselona» - «Bavariya» uchrashuvi bugun Toshkent vaqti bilan soat 00:00 da boshlanadi.
