Angliyaning «Liverpul» klubi bosh murabbiyi Yurgen Klopp «Milan» bilan o‘yindan so‘ng intervyu berdi. «Liverpul» Chempionlar ligasida raqibini 3:2 hisobida mag‘lub etdi.
«Biz ajoyib, tasavvur qilib bo‘lmaydigan tarzda o‘yinni boshladik. Butun maydon bo‘ylab harakat qildik va birinchi bo‘limning oxirgi daqiqalariga qadar raqiblarimizga hech qanday imkoniyat bermadik. O‘z o‘yinimiz bilan biroz xursand bo‘ldik, hujumda o‘ynadik va himoyadagi uyushuvni unutdik. Ammo, ikkinchi bo‘limda biz yana hammasini o‘z foydamizga o‘zgartirdik.», - deya nemis murabbiyi so‘zlarini keltiradi BT Sport.
