Angliya chempionati 5-tur doirasida «Tottenxem» o‘z maydonida hamshahri «Chelsi» klubini qabul qiladi.
Bilasizmi?
«Chelsi» APL doirasidagi oxirgi safar London derbisining har birida g‘alaba qozongan. Ular o‘z tarixida APLda hech qachon qatorasiga olti bor London derbisida g‘alaba qozona olishmagan.
APL doirasida «Chelsi»ga qarshi dastlabki 4 o‘yinda uchta gol urgan Xarri Keyn, oxirgi 8 uchrashuvda faqatgina bitta darvozani ishg‘ol qilgan. Shunga qaramay, Keyn Premyer-Liganing «Tottenxem» maydonida o‘tgan 9 London derbisida 12 golli vaziyatlarda ishtirok etgan (7 ta gol, 5 ta assist).
Romelu Lukaku va Ris Jeyms o‘tgan oy «Arsenal» bilan o‘yinda g‘alaba keltirgan gollarni kiritishgan edi (2:0). Premyer-Liga davrida faqatgina ikki nafar «Chelsi» a’zosi «Arsenal» va «shporlar» maydonida bir mavsumning o‘zida gol urishni uddalashgan. Bular: Markos Alonso (2017/18) va Xuan Mata (2012/13).
Bahs rasmiylari
Bosh hakam: Pol Tirni
Qanot hakamlari: Konstantin Hatzidakis, Nil Devis
Zaxira hakami: Kreyg Pouson
VAR: Kris Kavanag
VAR yordamchisi: Shon Messi-Ellis
«Tottenhem» mavsumni mukammal darajada boshladi - uch o‘yinda uchta g‘alaba. Ammo, Nuno Eshpiritu Santu jamoasi xalqaro tanaffusdan keyin jarohatlar girdobida qoldi va o‘tgan hafta kutilmaganda "Kristal Pelas"dan 0:3 hisobidagi mag‘lubiyatni qabul qilib oldi. Bundan tashqari, payshanba kuni o‘tkazilgan Yevropa Konferensiya Ligasida «Renn» bilan 2:2 o‘ynadi. Bu natijalar orqali jamoaning natijalari yomonlashayotgani ko‘rinib turibdi.
O‘z navbatida «Chelsi» mavsumda yaxshi start oldi. 4 o‘yinda 10 ochko va «Liverpul» chempionlik uchun kurashga qo‘shildi. O‘tgan hafta "Aston Villa" 3:0 hisobida mag‘lub etildi. Lekin, YECHLda «Zenit» bilan o‘tkazilgan o‘yinda minimal g‘alaba (1:0) qayd etildi. Jamoa bugun g‘alabali seriyasini uzaytirishni umid qilmoqda.
Taxminiy tarkiblar
Tottenxem (4-3-1-2): Loris; Emerson, Sanchez, Romero, Regilon; Hoyberg, Skipp, Ndombele; Alli; Kane, Son
Chelsi (3-4-2-1): Mendi; Aspilikueta, Kristensen, Ryudiger; Jeyms, Jorjino, Kante, Alonso; Maunt, Haverts; Lukaku.
Yo‘qotishlar
Mezbonlarda yo‘qotishlar ko‘p. Tanganga diskvalifikasiya qilingan. Sanches, Lo Chelso, Romero yuqori sport formasiga kirib ulgurmagan. Son Xyon Min qaytgan bo‘lsada jarohati bor. Lukas Moura, Erik Dayer, Rayan Sessenyon va Stiven Begveyn ham maydonda harakat qilishi aniq emas.
Kristian Pulishich jarohatini tuzatishga harakat qilayotgan bo‘lsa, Ngolo Kante safga qaytdi, ammo optimal formada emas.
Raqamlar
«Tottenxem»ning APLdagi eng noqulay raqiblaridan biri - «Chelsi». «Aristokratlar» boshqa barcha ingliz klublariga qaraganda «shporlar» darvozasiga ko‘proq gol (103) urishgan. Shuningdek, faqatgina MYU (36) «Tottenhem» bilan o‘yinda «Chelsi»ga (31) qaraganda ko‘p g‘alaba qozongan.
«Chelsi» Tomas Tuxel qo‘lostida APLda quruq o‘yin o‘tkazish bo‘yicha eng yaxshi ko‘rsatkichni (61 foiz) qayd etishmoqda (14/23). Bu musobaqa tarixida bir murabbiy boshqaruvida istalgan mutaxassisning natijasidan yaxshiroq. Bu yerda kamida 10 ta o‘yin o‘tkazgan murabbiylar taqqoslangan.
Tomonlar Angliya chempionatida o‘zaro 58 marta uchrashishgan. «Chelsi» 31 g‘alaba qayd etgan va 7 ta bahsda mag‘lub bo‘lgan. 20 o‘yinda esa durang natija kuzatilgan.
Eslatib o‘tamiz, mazkur uchrashuv bugun Toshkent vaqti bilan soat 20:30da boshlanishi ko‘zda tutilgan.
