Germaniya chempionatining 6-turi doirasida muxlislar 2ta "Borussiya" klubi o‘rtasidagi to‘qnashuvga guvoh bo‘lishdi.

Dortmundning «Borussiya» Menxengladbaxda shu nomdagi boshqa jamoa mehmoni bo‘ldi va kichik hisobda imkoniyatni boy berdi.

Bahsning 37-daqiqasida Zakariya hisobni ochgan bo‘lsa, oradan 3 daqiqa o‘tib dortmundliklar yarim himoyachisi Mahmud Daud maydondan chetlatildi.

Natijada «Borussiya Menxengladbax» g‘alabani saqlab qoldi va o‘z ochkolarini 7taga yetkazib oldi. "Dortmund" hisobida esa 12 ochko mavjud.

Germaniya chempionati, 6-tur
Borussiya M – Borussiya D 1:0 (1:0, 0:0)
Gol: 1:0 – 37 Zakariya.
Borussiya M – Zommer, Skalli, Yanchke, Ginter, Elvedi, Nets (Volf, 70), Shtindl, Xofmann (Benesh, 83), Zakariya, Kone (Kramer, 73), Embolo.
Borussiya D – Kobel, Menye (Volf, 82), Xummels, Akandji, Pongrachich (Azar, 46), Gerreyru (Shuls, 82), Vitsel, Daud, Bellingem, Malen (Reynyer, 82), Mukoko (Knauff, 57).
Ogohlantirishlar: Daud (10), Zakariya (13), Shtindl (33), Pongrachich (34), Nets (45), Kone (58), Bellingem (85).
Chetlatish: Daud (40).