«Napoli» bosh murabbiyi Luchano Spalletti ushbu mavsumda Skudetto uchun kurash haqidagi taxminlari bilan o‘rtoqlashdi.
Neapolliklar A Seriya bahslarini 6 uchrashuvdagi 6 g‘alaba bilan boshladi va chempionat peshqadamiga aylangan.
«Biz bundan ham yaxshiroq o‘ynashimiz kerak va bu qo‘limizdan keladi. Hozirda jamoamizdan ko‘pchilikning umidi juda katta.
Keling, «Napoli»ni butun mavsum davomida qanday ko‘rinishda o‘yinlarni davom ettirishiga e’tiborimizni qaratamiz. Hozirda ushbu titul uchun yetti klub da’vogarlik qilmoqda. Bizga ancha qiyin bo‘ladi»,- deydi Spalletti.
Ma’lumot uchun, «Napoli»ning keyingi raqibi «Fiorentina» klubi bo‘ladi. Uchrashuv 3 oktyabr kuni bo‘lib o‘tadi.
