«Наполи» бош мураббийи Лучано Спаллетти ушбу мавсумда Скудетто учун кураш ҳақидаги тахминлари билан ўртоқлашди.

Неаполликлар А Серия баҳсларини 6 учрашувдаги 6 ғалаба билан бошлади ва чемпионат пешқадамига айланган.

«Биз бундан ҳам яхшироқ ўйнашимиз керак ва бу қўлимиздан келади. Ҳозирда жамоамиздан кўпчиликнинг умиди жуда катта.

Келинг, «Наполи»ни бутун мавсум давомида қандай кўринишда ўйинларни давом эттиришига эътиборимизни қаратамиз. Ҳозирда ушбу титул учун етти клуб даъвогарлик қилмоқда. Бизга анча қийин бўлади»,- дейди Спаллетти.

Маълумот учун, «Наполи»нинг кейинги рақиби «Фиорентина» клуби бўлади. Учрашув 3 октябрь куни бўлиб ўтади.