Xabaringiz bor, bugun Chempionlar Ligasi guruh bosqich 2-turi doirasida Myunxenning «Bavariya» klubi Ukraina grandi "Dinamo Kiyev"ni qabul qiladi.
Mazkur uchrashuvdan oldin bir qancha bog‘liqliklarni taqdim etamiz.
Bog‘liqliklar
Levandovski va Tomash Kejiora Polsha terma jamoasida birga harakat qilishadi.
Oleksandr Karavayev joriy yilning 24 mart kuni JCH-2022 saralashi doirasidagi Fransiyaga qarshi bahsda (1:1) Sergey Sidorchukka golli uzatmani amalga oshirgan. O‘shanda fransuzlar safida Kingsli Koman, Luka Ernandes hamda Benjamin Pavar maydonga tushishgan.
Mikola Shaparenko JCH saralashi doirasida 4 sentyabr kuni o‘tkazilgan Kingsli Komanning Fransiyasi darvozasiga gol urishga erishgan. Uchrashuv 1:1 hisobi bilan tugagan.
Marsel Zabitzer Yevro-2020 guruh bosqich 3-turidan o‘rin olgan Ukrainaga qarshi bahsda 90 daqiqa harakat qilgan. Mazkur bahsda Avstriya 1:0 hisobi bilan g‘alaba qozongan. O‘yinda Ukraina terma jamoasi uchun Georgiy Bushan, Karavayev, Ilya Zabarni, Vitali Mikolenko, Shaparenko, Sidorchuk, Viktor Tsigankov va Artyom Besedin o‘ynashgan. Ikkala terma jamoa ham nimchorak finalga yo‘l olgandi.
2020 yilning 14 noyabr kuni UYEFA Millatlar Ligasi doirasida o‘tgan Germaniya - Ukraina bahsida 3:1 hisobi qayd etilgan va mazkur o‘yinda Leroy Sane nomini tabloga yozdirib qo‘ygan, Leon Goretska esa ikki golga hammualliflik qilgan.
2020 yilning 10 oktyabrida «Olimpiskiy» stadionida o‘tgan uchrashuvda esa Goretska Germaniyaga g‘alaba keltirgan gol muallifiga aylanagan (2:1).
2020 yilning 7 oktyabr kuni o‘rtoqlik o‘yinida Fransiya Ukrainani 7:1 hisobida mag‘lub etgan. Tolisso ham gol urgandi. Bushan, Tsigankov, Zabarni, Mikolenko va Shaparenko ham ushbu bellashuvda qatnashishgan.
Kedjiora 2019 yilning 21 mart kuni Yevro-2020 ga saralashi doirasidagi Polsha - Avstriya o‘yinida Zabiser jamoasiga gol urgan. Levandovski ham 1:0 bilan tugagan o‘sha uchrashuvda harakat qilgan.
2011 yilning 11 noyabr kuni (11.11.11) o‘tkazilgan o‘rtoqlik uchrashuvida Myuller Ukraina darvozasini ishg‘ol qilgan. Bahs durang natija (3:3) bilan yakuniga yetgan.
Eslatib o‘tamiz, «Bavariya» - "Dinamo Kiyev" bahsi bugun Toshkent vaqti bilan 00:00da start oladi.
