Хабарингиз бор, бугун Чемпионлар Лигаси гуруҳ босқич 2-тури доирасида Мюнхеннинг «Бавария» клуби Украина гранди "Динамо Киев"ни қабул қилади.
Мазкур учрашувдан олдин бир қанча боғлиқликларни тақдим этамиз.
Боғлиқликлар
Левандовски ва Томаш Кежиора Польша терма жамоасида бирга ҳаракат қилишади.
Олександр Караваев жорий йилнинг 24 март куни ЖЧ-2022 саралаши доирасидаги Францияга қарши баҳсда (1:1) Сергей Сидорчукка голли узатмани амалга оширган. Ўшанда французлар сафида Кингсли Коман, Лука Эрнандес ҳамда Бенжамин Павар майдонга тушишган.
Микола Шапаренко ЖЧ саралаши доирасида 4 сентябрь куни ўтказилган Кингсли Команнинг Францияси дарвозасига гол уришга эришган. Учрашув 1:1 ҳисоби билан тугаган.
Марсел Забитзер Евро-2020 гуруҳ босқич 3-туридан ўрин олган Украинага қарши баҳсда 90 дақиқа ҳаракат қилган. Мазкур баҳсда Австрия 1:0 ҳисоби билан ғалаба қозонган. Ўйинда Украина терма жамоаси учун Георгий Бушан, Караваев, Илья Забарни, Витали Миколенко, Шапаренко, Сидорчук, Виктор Тсиганков ва Артём Беседин ўйнашган. Иккала терма жамоа ҳам нимчорак финалга йўл олганди.
2020 йилнинг 14 ноябрь куни УЕФА Миллатлар Лигаси доирасида ўтган Германия - Украина баҳсида 3:1 ҳисоби қайд этилган ва мазкур ўйинда Лерой Сане номини таблога ёздириб қўйган, Леон Горетска эса икки голга ҳаммуаллифлик қилган.
2020 йилнинг 10 октябрида «Олимпиский» стадионида ўтган учрашувда эса Горетска Германияга ғалаба келтирган гол муаллифига айланаган (2:1).
2020 йилнинг 7 октябрь куни ўртоқлик ўйинида Франция Украинани 7:1 ҳисобида мағлуб этган. Толиссо ҳам гол урганди. Бушан, Тсиганков, Забарни, Миколенко ва Шапаренко ҳам ушбу беллашувда қатнашишган.
Кеджиора 2019 йилнинг 21 март куни Евро-2020 га саралаши доирасидаги Полша - Австрия ўйинида Забицер жамоасига гол урган. Левандовски ҳам 1:0 билан тугаган ўша учрашувда ҳаракат қилган.
2011 йилнинг 11 ноябрь куни (11.11.11) ўтказилган ўртоқлик учрашувида Мюллер Украина дарвозасини ишғол қилган. Баҳс дуранг натижа (3:3) билан якунига етган.
Эслатиб ўтамиз, «Бавария» - "Динамо Киев" баҳси бугун Тошкент вақти билан 00:00да старт олади.
