«Chelsi» bosh murabbiyi Tomas Tuxel Turinning «Yuventus» klubiga qarshi safardagi o‘yindan so‘ng intervyu berdi. «Chelsi» «Yuve»ga 0:1 hisobida yutqazdi. Federiko Kyeza turinliklar safidagi yagona golni urdi.
«Bu qiyin o‘yin edi. «Yuventus»ga gol urish hech qachon oson emas. Biz bu ssenariyni kutgandik. Sabrli bo‘lishimiz, aql bilan harakat qilishimiz, yuqori ritmni namoyish qilishimiz kerak. Nima bo‘lganini qanday tushuntirishni bilmayman», - dedi Tuxel.
Eslatib o‘tamiz, keyingi turda «Chelsi» «Malmyo» bilan o‘ynaydi.
