«Yuventus» himoyachisi Luka Pellegrini jamoasini tark etishi mumkin, deb xabar bermoqda Calcio Mercato. Manbaga ko‘ra, «Vest Xem» futbolchiga qiziqish bildirmoqda.
Ma’lum bo‘lishicha, «bolg‘achilar» yozda Pellegrini bilan shartnoma imzolashga urinishgan, biroq keyinchalik futbolchi taklifni rad etgan, chunki u «Yuventus»da asosiy tarkibda qolish uchun kurashishni xohladi.
Biroq futbolchi bu borada muvaffaqiyatga erisha olmadi, endi londonliklar yana uni sotib olishga harakat qilib ko‘radi.
Eslatib o‘tamiz, Pellegrini 2019 yilda «Yuventus» futbolchisiga aylanib, «Roma» dan 22 million yevro evaziga Turinga ko‘chib o‘tgandi.
Bu mavsumda u A Seriyaning faqat bitta o‘yinida qatnashdi va maydonda 58 daqiqa o‘ynadi.
