«Ювентус» ҳимоячиси Лука Пеллегрини жамоасини тарк этиши мумкин, деб хабар бермоқда Calcio Mercato. Манбага кўра, «Вест Хэм» футболчига қизиқиш билдирмоқда.

Маълум бўлишича, «болғачилар» ёзда Пеллегрини билан шартнома имзолашга уринишган, бироқ кейинчалик футболчи таклифни рад этган, чунки у «Ювентус»да асосий таркибда қолиш учун курашишни хоҳлади.

Бироқ футболчи бу борада муваффақиятга эриша олмади, энди лондонликлар яна уни сотиб олишга ҳаракат қилиб кўради.

Эслатиб ўтамиз, Пеллегрини 2019 йилда «Ювентус» футболчисига айланиб, «Рома» дан 22 миллион евро эвазига Туринга кўчиб ўтганди.

Бу мавсумда у А Сериянинг фақат битта ўйинида қатнашди ва майдонда 58 дақиқа ўйнади.