«Barselona» bosh murabbiyi Ronald Kuman katta ehtimol yaqin orada o‘z lavozimini tark etmaydi.

Kataloniya klubi prezidenti Joan Laporta bugungi «Atletiko» bilan o‘yin qanday yakunlanishidan qat’i nazar gollandiyalik mutaxassisni ishsiz qolmasligiga ishontirdi.

«Natijaga qaramay, Kuman jamoada qoladi. Bu bizning falsafamiz. Siz bunga ishonishingiz kerak.

Shuningdek, murabbiy inqiroz paytida jamoaga kelganini ham inobatga olaylik. Yaxshi va samimiy munosabatlarimiz bor.

Ronald yaxshi odam va u men haqimda ham shunday fikrda. Hammamiz vaziyatni «Barselona» foydasiga o‘zgartirishga harakat qilyapmiz», - deydi Laporta.

Ma’lumot uchun, «Atletiko» bugun Toshkent vaqti bilan 00:00 da «Barsa»ni qabul qiladi.