«Барселона» бош мураббийи Рональд Куман катта эҳтимол яқин орада ўз лавозимини тарк этмайди.

Каталония клуби президенти Жоан Лапорта бугунги «Атлетико» билан ўйин қандай якунланишидан қатъи назар голландиялик мутахассисни ишсиз қолмаслигига ишонтирди.

«Натижага қарамай, Куман жамоада қолади. Бу бизнинг фалсафамиз. Сиз бунга ишонишингиз керак.

Шунингдек, мураббий инқироз пайтида жамоага келганини ҳам инобатга олайлик. Яхши ва самимий муносабатларимиз бор.

Рональд яхши одам ва у мен ҳақимда ҳам шундай фикрда. Ҳаммамиз вазиятни «Барселона» фойдасига ўзгартиришга ҳаракат қиляпмиз», - дейди Лапорта.

Маълумот учун, «Атлетико» бугун Тошкент вақти билан 00:00 да «Барса»ни қабул қилади.