"Yuventus" himoyachisi Jorjo Kyellini "Napoli" futbolchisi Kalidu Kulibali irqiy kamsitilganligi to‘g‘risida fikr bildirdi.
"Bu qabul qilinishi mumkin bo‘lmagan vaziyat. Jazo qo‘llash uchun bizga qonun-qoidalar kerak. Bu eng muhim narsa.
Men italiyalik ekanligimdan uyaldim, chunki Italiya, irqchi mamlakat emas.
Biz nimadir qilishimiz kerak, aks holda tashqaridan qaraydiganlarga o‘zimiz haqimizda yomon taassurot qoldiramiz”, - dedi italiyalik futbolchi.
Eslatib o‘tamiz, "Napoli" "Fiorentina" o‘rtasidagi o‘yinda (2:1) Florensiya klubi muxlislari senegallik 30 yoshli futbolchini jirkanch maymun deb atashdi.
