«Barselona»ning 18 yoshli yarim himoyachisi Mark Bernal Angliya klublaridan bo‘layotgan takliflarni rad etmoqda, deb xabar beradi Mundo Deportivo nashri.
Manbaning xabariga ko‘ra, «Chelsi», «Manchester Yunayted» va «Arsenal» klublari xavbek haqida ma’lumot to‘plashgan. Shunga qaramay, futbolchi yozgi transfer oynasida uni sotib olishga qiziqish bildirayotgan Premyer-liganing yetakchi klublariga e’tibor qaratmasdan, «Barselona»da qolish fikrida qat’iy turibdi.
Bernal «Barselona» akademiyasi tarbiyalanuvchisi hisoblanadi. Yakunlangan mavsumda u barcha turnirlarda 33 ta o‘yinda maydonga tushib, beshta gol va bitta golli uzatmani o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portaliga ko‘ra, futbolchining bozor qiymati 30 million yevroni tashkil etadi.
