«Барселона»нинг 18 ёшли ярим ҳимоячиси Марк Берналь Англия клубларидан бўлаётган таклифларни рад этмоқда, деб хабар беради Mundo Deportivo нашри.

Манбанинг хабарига кўра, «Челси», «Манчестер Юнайтед» ва «Арсенал» клублари хавбек ҳақида маълумот тўплашган. Шунга қарамай, футболчи ёзги трансфер ойнасида уни сотиб олишга қизиқиш билдираётган Премьер-лиганинг етакчи клубларига эътибор қаратмасдан, «Барселона»да қолиш фикрида қатъий турибди.

Берналь «Барселона» академияси тарбияланувчиси ҳисобланади. Якунланган мавсумда у барча турнирларда 33 та ўйинда майдонга тушиб, бешта гол ва битта голли узатмани ўз ҳисобига ёздириб қўйди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталига кўра, футболчининг бозор қиймати 30 миллион еврони ташкил этади.