"PSJ" bosh murabbiyi Maurisio Pochettino hujumchi Kilian Mbappe jamoada qolishiga umid bildirdi.
"Klub Mbappe qolishi uchun hamma narsani qiladi. Men bunga shubhalanmayman, Kilian Messi yoki Krishtianu darajasiga bemalol chiqa oladi", - deya Pochettino so‘zlaridan iqtibos keltirgan "COPE" nashri.
Ma’lumot uchun, 22 yoshli futbolchining amaldagi shartnomasi 2022 yilning yozigacha mo‘ljallangan.
Qayd etish kerak, 2021/22 yilgi mavsumda Mbappe parijliklar safida 11ta o‘yinda maydonga tushib, 4ta gol urdi va 5 golli uzatmani amalga oshirdi.
Avvalroq, «Real Madrid» Fransiya terma jamoasi futbolchisini sotib olmoqchi ekani haqida bir necha bor xabar berilgandi.