"ПСЖ" бош мураббийи Маурисио Почеттино ҳужумчи Килиан Мбаппе жамоада қолишига умид билдирди.
"Клуб Мбаппе қолиши учун ҳамма нарсани қилади. Мен бунга шубҳаланмайман, Килиан Месси ёки Криштиану даражасига бемалол чиқа олади", - дея Почеттино сўзларидан иқтибос келтирган "COPE" нашри.
Маълумот учун, 22 ёшли футболчининг амалдаги шартномаси 2022 йилнинг ёзигача мўлжалланган.
Қайд этиш керак, 2021/22 йилги мавсумда Мбаппе парижликлар сафида 11та ўйинда майдонга тушиб, 4та гол урди ва 5 голли узатмани амалга оширди.
Аввалроқ, «Реал Мадрид» Франция терма жамоаси футболчисини сотиб олмоқчи экани ҳақида бир неча бор хабар берилганди.
