"Paxtakor" kecha muddatidan avval O‘zbekiston chempionati g‘olibiga aylanib, kelasi mavsumda Osiyo chempionlar ligasi yo‘llanmasini qo‘lga kiritdi. O‘zbekistonga OCHLning keyingi mavsumida "1+1+1" (OCHL guruh bosqichi + OCHL saralash bosqichi + OFK kubogi guruh bosqichi) ko‘rinishida kvota ajratilgan. Xo‘sh, ikkinchi yo‘llanmaga qaysi jamoaga nasib etdi? Ushbu masalaga Alisher Nikimbayev oydinlik kiritdi.

1) Agar "Nasaf" OFK kubogida g‘olib chiqsa, O‘zbekistonga ajratilgan ikkinchi yo‘llanmaga ega chiqadi. Ro‘ziqul Berdiyev OFK kubogini qo‘lga kirita olmasa:

2) O‘zbekiston kubogi sohibi OCHL yo‘llanmasiga ega bo‘ladi. Agar Kubok "Paxtakor"ga nasib etsa:

3) O‘zbekiston chempionatining joriy mavsumida 2-o‘rinni qo‘lga kiritgan jamoa kelasi mavsumda OCHLda ishtirok etadi.

Ikkinchi jamoa Chempionlar ligasining saralash bosqichida ishtirok etadi. Agar klub saralashdan o‘ta olmasa, o‘z ishtirokini OFK kubogi guruh bosqichida davom ettiradi. Bu klub OCHL saralash bosqichida g‘alaba qozonib, musobaqa guruh bosqichiga yo‘l olsa, OFK kubogi yo‘llanmasi egasi quyidagi tartibda aniqlanadi:

1) Agar "Nasaf" OFK kubogida g‘olib chiqsa, O‘zbekiston kubogi-2021 sohibi;

2) O‘zbekiston kubogi "Paxtakor"ga nasib etsa, chempionatda 2-o‘rinni olgan jamoa;

3) Kubokni "Paxtakor" qo‘lga kiritmasa, O‘zbekiston chempionati bronza medali sovrindori.