«Liverpul»ning sobiq himoyachisi Jeymi Karrager Premyer-liganing 8-turida «Uotford»ga (5:0) qarshi o‘yindan so‘ng hujumchi Muhammad Saloh haqida gapirdi.

Bu uchrashuvda misrlik futbolchi bitta gol urdi va bitta assist muallifiga aylandi.

«Saloh hozirda dunyoning eng yaxshi futbolchisi», - deb yozdi Karrager Tvitterdagi rasmiy sahifasida.

Ma’lumot uchun, joriy mavsum 29 yoshli Saloh «Liverpul» safida barcha musobaqalar doirasida 10 ta o‘yinda maydonga tushib, 10 ta gol urdi va 3 ta golli uzatmani amalga oshirdi.