«PSJ» hujumchisi Mauro Ikardi Chempionlar ligasi guruh bosqichining 3-turida «Leypsig»ga qarshi o‘yinni o‘tkazib yuboradi, deb xabar beradi L’Equipe.

Manbaga ko‘ra, «PSJ» bosh murabbiyi Maurisio Pochettino bo‘lajak uchrashuvda forvardga umid qilgandi, lekin Ikardi bu o‘yinda ishtirok etmaydi, chunki u rafiqasi Vanda Nara bilan xayrlashgandan keyin o‘zini yomon his qilmoqda.

17 oktyabr kuni Vanda hujumchining xiyonati haqida o‘z ijtimoiy tarmoqlarida e’lon qildi. Keyinchalik u o‘z profilidan eri bilan bo‘lgan barcha rasmlarni o‘chirib tashladi.

OAV ma’lumotlariga ko‘ra, Ikardi 29 yoshli argentinalik model, qo‘shiqchi va aktrisa China Suares (to‘liq ismi-Mariya Evgeniya Suares Rivero) bilan ishqiy aloqada bo‘lgan.

«PSJ» - «Leypsig» uchrashuvi 19 oktyabr kuni, Toshkent vaqti bilan soat 23:45da boshlanadi.