«ПСЖ» ҳужумчиси Мауро Икарди Чемпионлар лигаси гуруҳ босқичининг 3-турида «Лейпциг»га қарши ўйинни ўтказиб юборади, деб хабар беради L’Equipe.
Манбага кўра, «ПСЖ» бош мураббийи Маурисио Почеттино бўлажак учрашувда форвардга умид қилганди, лекин Икарди бу ўйинда иштирок этмайди, чунки у рафиқаси Ванда Нара билан хайрлашгандан кейин ўзини ёмон ҳис қилмоқда.
17 октябрь куни Ванда ҳужумчининг хиёнати ҳақида ўз ижтимоий тармоқларида эълон қилди. Кейинчалик у ўз профилидан эри билан бўлган барча расмларни ўчириб ташлади.
ОАВ маълумотларига кўра, Икарди 29 ёшли аргентиналик модель, қўшиқчи ва актриса Чина Суарес (тўлиқ исми-Мария Эвгения Суарес Риверо) билан ишқий алоқада бўлган.
«ПСЖ» - «Лейпциг» учрашуви 19 октябрь куни, Тошкент вақти билан соат 23:45да бошланади.
