"Chelsi" bosh murabbiyi Tomas Tuxel jamoaning kelasi ikki o‘yinida Romelu Lukaku va Timo Vernerning ishtirok etmasligini tasdiqladi.
"Men ularning (Lukaku, Verner) qachon maydonga qaytishini bilmayman. Lekin shunisi aniq, "Norvich" bilan bahsni ikkala futbolchi ham o‘tkazib yuboradi. Ha, biz to‘liq tarkib bilan o‘ynashni xohlaymiz, lekin ba’zi voqealar bunga yo‘l qo‘ymaydi. Ikkala futbolchilar ham jamoa uchun muhim hisoblanadi. Ular hozirda davolanmoqda va kelasi ikki o‘yinni o‘tkazib yuborishadi", - dedi Tuxel "Norvich"ga qarshi o‘yindan oldingi matbuot anjumanida.
Eslatib o‘tamiz, Lukaku va Verner "aristokratlar"ning Chempionlar ligasi 3-turidan o‘rin olgan "Malmyo"ga qarshi uchrashuvda jarohat olishgan edi.
